Напярэдадні Старога Новага года ў філіяле “Пушкоўская сельская бібліятэка” прайшло паседжанне клуба “Надзея”.
Бібліятэкар Вольга Ігнацік запрасіла ўдзельнікаў у этнападарожжа пад назвай “Тры куцці”. Яна пазнаёміла прысутных з гісторыяй узнікнення свята, асаблівасцямі святкавання Каляд на Беларусі, абазначыла традыцыйныя калядныя стравы, якія былі абавязковыямі для святочнага стала.
Удзельнікаў клуба віталі дзед Мароз са Снягуркай і сімвал Новага года – бычок.
