Штогод у першую нядзелю верасня адзначаецца нацыянальнае свята, якое мае велізарнае культурна-гістарычнае значэнне – Дзень беларускага пісьменства. Пачатак гэтай традыцыі пакладзены ў 1994 годзе ў горадзе Полацку. За 30 гадоў сталіцай беларускага пісьменства былі 26 гарадоў і пасёлкаў. Некаторыя з іх прымалі гэта свята двойчы, а старажытны Полацк - тройчы. У бягучым годзе гасцей прымае горад Івацэвічы Брэсцкай вобласці.
На абанеменце аддзела абслугоўвання і інфармацыі дэманструецца выстава, прысвечаная Дню беларускага пісьменства. Матэрыялы выставы знаёмяць з гісторыяй беларускага рукапіснага і друкаванага слова, мысліцелямі і асветнікам зямлі беларускай.
