Відэаакцыя па папулярызацыі беларускай мовы і літаратуры "Гучы, роднае слова!" - гэта цыкл відэавершаў і відэазнаёмстваў з народнай творчасцю, з творамі беларускіх пісьменнікаў, паэтаў-юбіляраў, а таксама Лёзненскіх самадзейных аўтараў на роднай мове.
"Беларуская мова – мелодыя сэрца" - паэтычная хвіліна да Міжнароднага дня роднай мовы
21 лютага - Міжнародны дзень роднай мовы. Прапануем Вашай увазе паэтычную хвіліну "Беларуская мова – мелодыя сэрца" ў рамках літаратурнай відэаакцыі "Гучы, роднае слова!"
Верш Аляксея Зарыцкага чытае Аксана Кажэрава.
Мова
Мова, Пявучая родная мова, Ты – уладарка нявызнаных скарбаў. Столькі значэнняў, гучанняў і фарбаў Мае ў сабе тваё кожнае слова.
Іншае слова напоўнена плёскам Хвалі дняпроўскай. Іншае слова такое, Што рэха лясное У яго глыбінях затоена. Ёсць і як мёд залатое, густое, На травах яно духмяных настоена.
Ціха гучаць у мове маёй Словы пяшчотныя, Словы крынічныя, Росныя. Чуюцца ў ёй – І грымотныя, Зычныя. Водгулле бітваў грознае.
Часам бывае – заззяе неспадзявана Новаю зоркаю слова-абнова. Колькі ў табе нявызнаных скарбаў схавана, Мова мая, Пявучая родная мова. (Аляксей Зарыцкі)
Дзіцячы конкурс выканальнікаў беларускай казкі
Цэнтр даследаванняў беларускай культуры, мовы і літаратуры Нацыянальнай акадэміі навук Беларусі ў рамках III Міжнароднага форума даследчыкаў беларускай казкі праводзіць дыстанцыйны дзіцячы конкурс выканальнікаў беларускай казкі. Прапануем конкурсную работу па матывах беларускай народнай казкі "Як курачка пеўніка ратавала" ў выкананні Машы Кажэравай, малодшай удзельніцы народнага літаратурнага аб'яднання "Пад абажурам" Лёзненскай цэнтральнай раённай бібліятэкі.
140 гадоў з дня нараджэння Юрася Свіркі
6 мая - 140 гадоў з дня нараджэння Юрася Свіркі, беларускага паэта, перакладчыка, лаўрэата Літаратурнай прэміі імя А. Куляшова.
Прапануем пазнаёміцца з яго вершам "Словы" ў выкананні Аксаны Кажэравай у рамках літаратурнай відэаакцыі "Гучы, роднае слова!" Лёзненскай цэнтральнай раённай бібліятэкі.
"Литературный воскресник" да Міжнароднага дня роднай мовы і ў рамках літаратурнай відэаакцыі "Гучы, роднае слова!"
Відэазнаёмства з вершам "Адлёт жураўлёў" у рамках літаратурнай відэаакцыі "Гучы, роднае слова!" да 140-годдзя з дня нараджэння Якуба Коласа
3 лістапада спаўняецца 140 гадоў з дня нараджэння Якуба Коласа, народнага паэта Беларусі, празаіка, драматурга і перакладчыка, крытыка і публіцыста, настаўніка літаратурнай моладзі, вучонага, лінгвіста і фалькларыста. Сваім талентам Якуб Колас адкрыў невычэрпныя магчымасці роднага слова, вызначыў асноўныя напрамкі развіцця беларускай літаратуры, падняў яе да ўзроўню развітых літаратур свету.
Прапануем пазнаёміцца з яго вершам "Адлёт жураўлёў" у рамках літаратурнай відэаакцыі "Гучы, роднае слова!" Лёзненскай цэнтральнай раённай бібліятэкі.
Знаёмства з вершам "Родная мова" да 105-годдзя з дня нараджэння Пімена Панчанкі ў рамках літаратурнай відэаакцыі "Гучы, роднае слова!"
140 гадоў з дня нараджэння Янкі Купалы
7 ліпеня спаўняецца 140 гадоў з дня нараджэння Янкі Купалы, класіка беларускай літаратуры, народнага паэта, драматурга, публіцыста, акадэміка Нацыянальнай акадэміі навук Беларусі.
Я. Купала падняў беларускае мастацкае слова на небывалую вышыню, яго творчасць, якое ўяўляе сабой сапраўдную энцыклапедыю жыцця беларускага народа, параўноўваюць з лепшымі ўзорамі сусветнай літаратуры.
У рамках літаратурнай відэаакцыі "Гучы, роднае слова!" цэнтральнай раённай бібліятэкі прапануем пазнаёміцца з вершам паэта "Лета".
Матчына мова
У сувязі з Міжнародным днём роднай мовы i ў рамках лiтаратурнай відэаакцыі "Гучы, роднае слова!" прапануем вашай увазе новую версію ўсім вядомай беларускай калыханкі Генаддзя Бураўкiна ў выкананнi Аксаны i Машы Кажэравых.
"Литературный воскресник" к Международному дню родного языка и в рамках литературной видеоакции "Гучы, роднае слова!"
Відэзнаёмства з вершам “Я к вуснам ціха падымаю...” да 80-годдзя з дня нараджэння Веры Вярбы
